Täzelikler - I.Gandi adyndaky Aşgabat lukmançylyk orta okuw mekdebi

10.12.2025

278

Haýyr-sahawat dialogy

I.Gandi adyndaky Aşgabat lukmançylyk orta okuw mekdebiniň mejlisler zalynda, 2025-nji ýylyň 9-njy noýabrynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça gaznasynyň alyp barýan işleri barada teleýaýlymynda görkezilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça gaznasynyň bejeriş işleri boýunça wise-Prezidenti Oguljahan Atabaýewa Hytaý Halk Respublikasyna, Monaka Knýazlygyna, Özbegistan döwletine, Azerbeýjan döwletine , Russiýa Federasiýasyna, Katar döwletine amala aşyran iş sapary talyp ýaşlarymyzda uly gyzyklanma döretdi. Gurbanguly Berdimuhamedow adyndaky Howandarlyga mätäç çagalara hemýat bermek boýunça gaznasynyň hasabyna 700 sany çaga çylşyrymly operasiýalaryň we 900 çaga bejeriş işleriniň alnyp barlandygy we 150 sany inkluziwli çagalar baglarynyň hereket edýändigi, şeýle-de şu ýyl Gurbanguly Berdimuhamedow adyndaky Howandarlyga mätäç çagalara hemaýat bermek boýunça gaznasynyň döredilmegine 4ýyl bolandygy barada duşuşyklarda içgin gürrüň edildi. Türkmen wekilýeti ýokarda agzalan döwletleriň ylym-bilimde, saglygy goraýyşda, medeniýet-sungatynda gazanylan üstünlikleri bilen tanyşdy, hem-de ýadygärlik toplumlaryna we muzeýlere syýahat etdi. Hemişelik Bitaraplygymyzyň şanly 30 ýyllarynda, halkara gatnaşyklarynda ýetilen sepgitler, “Saglyk” Döwlet maksatnamasynyň durmuşa ornaşdyrmagynyň 30 ýylynda saglygy goraýyşda gazanylan üstünlikler babatda Gurbanguly Berdimuhamedow adyndaky Howandarlyga mätäç çagalara hemaýat bermek boýunça gaznasynyň bejeriş işleri boýunça wise-Prezidenti Oguljahan Atabaýewanyň geçiren ähli duşuşyklarynda, esasanam DOHA formunda eden täsirli çuň manyly çykyşlary aýratyn bellärliklidir.

Doly oka

278

09.12.2025

79

“Hemişelik Bitaraplyk - baky bagtymyz” atly ylmy-amaly maslahat

I.Gandi adyndaky Aşgabat lukmançylyk orta okuw mekdebiniň jemgyýetçilik guramalarynyň alyp barmagynda Halkara parahatçylyk we ynanyşmak ýylynda Türkmenistan Watanymyzyň Bitaraplyk hukuk ýagdaýyna eýe bolmagynyň şanly 30 ýyllygy mynasybetli “Hemişelik Bitaraplyk-baky bagtymyz” atly ylmy-amaly maslahat geçirildi. Maslahatda Türkmenistan döwletimiziň hemişelik Bitaraplygy Birleşen Milletler Guramasy tarapyndan ykrar edilen döwlet bolmak bilen, parahatçylygyň, durnuklylygyň, özara düşünişmegiň işjeň tarapdary hökmünde halkara giňişlikde möhüm orny eýeleýändigi, Bitaraplyk ýurdumyzyň içeri we daşary syýasatynyň ähli ugurlaryndan eriş-argaç bolup geçýän esas goýujy taglymatdygy çykyşlaryň üsti bilen beýan edildi. Şeýle-de çykyşlarda BMG-nyň Baş Assembleýasy tarapyndan “Türkmenistanyň hemişelik Bitaraplygy” atly Rezolýusiýasynyň 3 gezek kabul edilmegi barada giňişleýin gürrüň edildi. Maslahatyň ahyrynda ýurdumyzyň halkara giňişliginde hoşniýetli gatnaşyklary, parahatçylyk söýüjülikli syýasaty dabaralandyrýan Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag bolmagy, beýik işleri elmydama rowaçlyklara beslenmegi arzuw edildi

Doly oka

79

27.11.2025

67

“Bitaraplyk, doganlyk – saýlan aýdyň ýolumyz, ynanyşmak, jebisleşmek berkararlyk şanymyz”

Berkarar döwletiň täze eýýamynyň Galkynyşy döwründe “Halkara parahatçylyk we ynanyşmak” ýylynda, Türkmenistanyň Bitaraplygynyň 30 ýyllygy hem-de “Saglyk” Döwlet Maksatnamasynyň 30 ýyllygy mynasybetli Türkmenistanyň Bilim ministrligi, Türkmenistanyň Saglygy goraýyş we derman senagaty ministrligi, Türkmenistanyň Demokratik partiýasy, Türkmenistanyň Kärdeşler arkalaşyklarynyň Milli merkezi, Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde Arkadag, Aşgabat şäherleriniň we Ahal welaýatynyň orta hünär okuw mekdepleriniň arasynda, I.Gandi adyndaky Aşgabat lukmançylyk orta okuw mekdebiniň guramagynda 2025-nji ýylyň 25-nji noýabrynda “Bitaraplyk, doganlyk – saýlan aýdyň ýolumyz, ynanyşmak, jebisleşmek berkararlyk şanymyz” ady bilen bilim bäsleşigi geçirildi. Bäsleşigiň esasy maksady orta hünär okuw mekdepleriniň arasynda tejribe alyşmak, işjeň gatnaşyklary ýola goýmak, zehinli talyplary ýüze çykarmak, olaryň döredijilikli ukyplaryny kämilleşdirmek, şeýle hem ýaşlaryň syýasat taýdan toplan bilim derejeleri esasynda olary watançylyk ruhunda terbiýelemekden we kämil hünärmenler edip ýetişdirmekden ybarat. Bäsleşikde talyplaryň “Türkmenistanyň taryhy” dersine degişlilikde we bitaraplyk syýasaty barada giň gözýetimli bilimi şahsy esasda hasaba alnyp I, II, III orunlar kesgitlenildi. Eýelän orny Talybyň F.A.A.a Orta hünär okuw mekdebiň ady I-nji orun Seýitkuliýewa Oguljeren Aşgabat şäherindäki syýahatçylyk orta hünär okuw mekdebi II-nji orun Hajygulyýewa Azatgül Aman Kekilow adyndaky Mugallymçylyk mekdebi III-nji orun Altyýewa Gülnar Ahal welaýat maliýe-ykdysady orta hünär okuw mekdebi Amanowa Bägül Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen Döwlet ýörite sazçylyk mekdebi Annalyýewa Ogulsenem Ahal welaýat ýörite sungat mekdebi Baýramowa Aýjemal Aşgabat şäherindäki Mehanika - tehnologiki orta hünär okuw mekdebi Bäşimowa Şabibi “Türkmenaragatnaşyk” agentliginiň Politehniki orta hünär okuw mekdebi Çommadowa Zubeýda I.Gandi adyndaky Aşgabat lukmançylyk orta okuw mekdebi Goşaýew Babaýar Aşgabat şäherindäki syýahatçylyk orta hünär okuw mekdebi Gurbanlyýewa Göwher Türkmenistanyň Gahrymany Atamyrat Nyýazow adyndaky Ýöriteleşdirilen bank mekdebi Gylyjowa Aýnur I.Gandi adyndaky Aşgabat lukmançylyk orta okuw mekdebi Merdanowa Göwher Berdimuhamet Annaýew adyndaky Arkadag şäher mugallymçylyk orta hünär okuw mekdebi Mämiýewa Aýjeren Aman Kekilow adyndaky Mugallymçylyk mekdebi Şalmedowa Jahan Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebi Ýeňijiler Türkmenistanyň Kärdeşler arkalaşyklarynyň Milli merkeziniň taýýarlan hormat hatlary we ýörite sowgatlary bilen sylaglanyldy.

Doly oka

67

24.11.2025

160

“Türkmenistan – parahatlyk mekany, Bitaraplyk - Watan şöhraty-şany” ady bilen okuw-usuly maslahaty geçirildi.

“Halkara parahatçylyk we ynanyşmak” ýylynda, Türkmenistanyň Bitaraplygynyň 30 ýyllygy hem-de “Saglyk” Döwlet Maksatnamasynyň 30 ýyllygy mynasybetli, Türkmenistanyň Bilim ministrligi, Türkmenistanyň Saglygy goraýyş we derman senagaty ministrligi, Türkmenistanyň Demokratik partiýasy, Türkmenistanyň Kärdeşler arkalaşyklarynyň Milli merkezi, Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde Arkadag, Aşgabat şäherleriniň we Ahal welaýatynyň orta hünär okuw mekdepleriniň gatnaşmagynda, I.Gandi adyndaky Aşgabat lukmançylyk orta okuw mekdebiniň guramagynda 2025-nji ýylyň 21-nji noýabrynda Türkmenistanyň Jemgyýetçilik guramalarynyň merkezinde umumy mežlisi we bölümlerde ugurlary boýunça “Türkmenistan – parahatlyk mekany, Bitaraplyk - Watan şöhraty-şany” ady bilen okuw-usuly maslahaty geçirildi. Maslahatyň çykyşlarynda bilimiň häzirki zaman özgertmeleri, sanly ulgam we lukmançylyk ugurlarynda alnyp barylýan ylmy barlaglarynyň nazary we amaly taýdan utgaşdyrylmagynda möhüm ähmiýetleri, şeýle-de Gahryman Arkadagymyzyň we hormatly Prezidentimiz Arkadagly Gahryman Serdarymyzyň jöwher paýhasyndan döredilen eserleri, Türkmenistanyň hemişelik Bitaraplygynyň syýasaty, 30 ýyl döwründe bilimde, saglygy goraýyşda, ykdysadyýetde, syýahatçylykda, oba hojalykda, medeniýet we sungatda gazanylan üstünlikleri wasp edildi. Umumy mežlisinde orta hünär okuw mekdepleriniň çeper höwesjeňleriniň aýdym-sazly baýramçylyk çykyşlary ýerine ýetirildi. Maslahat hormatly Prezidentimize ýüzlenme çykyşy bilen jemlendi, onda Gahryman Arkadagymyzyň ýadawsyz zähmeti bilen Berkarar bolan Döwletimizde, Hormatly Prezidentimiz, Arkadagly Gahryman Serdarymyzyň ýolbaşçylygynda dowam edýän “Halkara parahatçylyk we ynanyşmak” ýylynyň bedew badynyň ýaş nesilleri buýsandyrýandygy, eziz Watanymyzyň rowaçlyk ýolunda, ýaşlaryň ýurdumyzyň abraýynyň mundan beýläkde ýokary göterilmeginde goşant goşmaklyga borçlandyrýandygy barada aýdylyp, Halkara derejede ähmiýetli we dünýä jemgyýetçiligi tarapyndan ykrar edilen beýik işleriň başynda durýan, ylmyň we tehnologiýalaryň gazananalaryny öňdebaryjy dünýä tejribesine ornaşdyrmakda beýik işleri durmuşa geçirýän Gahryman alym Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagy, giň tutumly beýik işleriniň mundan beýläk hem has-da rowaçlyklara beslenmegi arzuw edildi.

Doly oka

160

03.11.2025

107

I.Gandi adyndaky Aşgabat lukmançylyk orta okuw mekdebi bilen ABŞ - nyň, Northwest Сollege arasynda Ähtnama gol çekildi

Türkmenistanyň öňdebaryjy ýokary we orta hünär mekdepleriniň wekilleriniň Amerikanyň Birleşen Ştatlaryna iş saparynyň çäklerinde 2025-nji ýylyň 20-nji oktýabrynda, Waýoming ştatynyň Powell şäherindäki Northwest College bilen I.Gandi adyndaky Aşgabat lukmançylyk orta okuw mekdebinde (Türkmenistan) orta saglygy goraýyş hünärmenleri taýýarlamak, bilim we ylym çygrynda bilelikdäki hyzmatdaşlygynyň mümkinçilikleri barada degişli ýolbaşçylaryň arasynda maslahatlaşyldy.Şu iş sapary Türkmenistanyň Bilim ministrligi we ABŞ –nyň ilçihanasy tarapyndan halkara akademiki hyzmatdaşlygy pugtalandyrmak maksady bilen gurnaldy. Duşuşygyň başynda Northwest College bilen I.Gandi adyndaky Aşgabat lukmançylyk orta okuw mekdebiniň özara düşünişmek hakynda Ähtnamasyna gol çekildi. Gün tertibine laýyklykda, bilim babatda alyş-çalyşlar, amaly-usulyýet hyzmatdaşlygy, mugallymlaryň hünär derejesini ýokarlandyrmak, akademik we medeni başlangyçlar, bilelikdäki taslamalary taýýarlamagy, kitaphananyň edebiýatlar bilen üpjünçiligi, ”Şepagatçylyk işi” hünäriniň okuw meýilnamasynyň kämilleşdirmekligi barada maslahatlaşyldy we kollejiň binalary bilen tanyşdyryldy. Taraplar 2026-2028-nji ýyllar üçin deslapky iş meýilnamada görkezilen hyzmatdaşlygyň geljekki ugurlary boýunça hem pikir alyşdylar.

Doly oka

107

30.10.2025

182

”Merdanalygyň milli mekdebi”

Hormatly Prezidentimiziň tabşyrygyna laýyklykda 2025-nji ýylyň 4-nji oktýabrynda geçirilen iş maslahatynda berilen tabşyryklar boýunça ýerine ýetirilmeli işleriň çäginde, Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň saýasynda döwletimizde şan-şöhrata eýe bolan meşhur taryhy şahsyýetlerimiziň atlaryny ebedileşdirmek we dünýä jemgyýetçiligine tanyşdyrmak maksady bilen I.Gandi adyndaky Aşgabat lukmançylyk orta okuw mekdebiniň mugallymlarynyň we talyp ýaşlarynyň gatnaşmagynda ”Merdanalygyň milli mekdebi” atly ylmy – amaly maslahat geçirildi. Maslahatda mekdebiň “Umumy ynsanperwer we durmuş ykdysady” ders toplumynyň mugallymlary türkmen halkynyň taryhynda özleriniň watansöýüjiligi, gahrymançylygy, gaýduwsyzlygy bilen öçmejek yz galdyran we türkmen halkynyň ylym, bilim binýadynyň düýbüni tutan şahsyýetleriniň döredijiligi barasynda çykyş etdiler. 30.10.2025ý

Doly oka

182

28.10.2025

52

Gahryman Arkadagymyz Gurbanguly Berdimuhamedowyň täze kitaplarynyň tanyşdyrylyş dabarasy

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda döwletimizde ilatymyzyň saglygyny goramak, ýaşaýyş – durmuş şertlerini gowulandyrmak, saglygy goraýyş we derman senagaty ulgamyny kämilleşdirmek babatda giň gerimli we tutumly işler amala aşyrylýar. Eziz Diýarymyzda döwletimiziň bilim we ylym binýadyny pugtalandyrmaga, kämil usullary ornaşdyrmaga gönükdirilen işler durmuşa geçirilýär. “Halkara parahatçylyk we ynanyşmak” ýylynda Türkmenistanyň Bitaraplygynyň 30 ýyllygy, “Saglyk Döwlet maksatnamasynyň 30 ýyllygy mynasybetli 2025-nji ýylyň 10-njy oktýabrynda I.Gandi adyndaky Aşgabat lukmançylyk orta okuw mekdebiniň talyp ýaşlarynyň arasynda Gurbanguly Berdimuhamedow tarapyndan dünýä jemgyýetçiligi üçin neşir edilen “Saglygy goraýyşda ýetilen sepgitler” we “Türkmenistanyň dermanlyk ösümlikleriniň” XVII tomunyň tanyşdyrylyş dabarasy geçirildi.

Doly oka

52

22.09.2025

72

Ýol hereketiniň howpsuzlygy – ömrümiziň rahatlygy

Berkarar döwletiň täze eýýamynyň Galkynyşy döwründe 2025-nji- Halkara parahatçylyk we ynanyşmak ýylynda 12-nji Sentýabrda “Ýol hereketiniň howpsuzlygy – ömrümiziň rahatlygy” atly bir aýlygyň çäklerinde Türkmenistanyň Mejlisiniň, Türkmenistanyň Içeri işler ministrliginiň, Türkmenistanyň Baş prokuraturasynyň, Türkmenistanyň ýokary kazyýetiniň, Türkmenistanyň bilim ministrliginiň, Türkmenistanyň Saglygy goraýyş we derman senagaty ministrliginiň, Türkmenistanyň Demokratik partiýasynyň, Türkmenistanyň Kärdeşler arkalaşygynyň Milli Merkeziniň, Türkmenistanyň Magtymguly adyndaky Ýaşlar guramasynyň Merkezi Geňeşiniň we I.Gandi adyndaky Aşgabat lukmançylyk orta okuw mekdebiniň bilelikde gurnamagynda Konstitusiýany, kanunlary düşündirmek, agyr ten şikesini ýetirmek, nika bozulmalaryň öňüni almak, tebigaty goramak, tertip-düzgüni berjaý etmek, ýol hereketiniň kadalary, ýaramaz endiklerden daşda durmak, sagdyn durmuş we milli ahlak ýörelgelerini düşündirmek maksady bilen wagyz-nesihat duşuşygy geçirildi. Maslahatda ýaş nesilleri milli gymmatlyklarymyza , däp-dessurlarymyza buýsanç ruhunda, ynsanperwer kadalarymyz esasynda terbiýelemek, müňýyllyklardan gözbaş alýan medeniýetimizi, edebiýatymyzy, şöhratly taryhymyzy täze nazaryýet esasynda düýpli öwrenmek, umumy bilim edaralarynda, başlangyç, orta hünär hem-de ýokary okuw mekdeplerinde dürli ugurlar boýunça tebigy zehinli ýaşlary ýüze çykarmak, ýaşlaryň arasynda watançylyk terbiýesini ýokarlandyrmak, olara Watan mukaddesligini we gymmatlygyny gorap saklamak barada giňişleýin çykyş etdiler.

Doly oka

72

13.08.2025

60

BIZE OKAMAGA GELIŇ!

“Umumy ideg işi” – sagdyn durmuş ýörelgesiniň gözbaşy! I.Gandi adyndaky Aşgabat lukmançylyk orta okuw mekdebi “Umumy ideg işi” hünäri boýunça başlangyç lukmançylyk biliminiň eýesi bolmak üçin talyplyga kabul edýär. Resminamalar 2025-nji ýylyň 25-nji awgustyna çenli mekdebiň okuw binasynda kabul edilýär. Bu hünärmenleri taýýarlamagyň maksady - raýatlaryň sagdyn çagalara, näsag adamlara, dowamly keselli näsaglara lukmançylyk nukdaý nazardan ideg etmek babatda sowatly, başarjaň bolmak, geljekki ene boljak zenany dogruma taýýarlamak, çaga dünýä ineninden soň, oňa idegi etmegi oňarmak we beýleki ýönekeý amallardan baş çykarmak babatda lukmançylyk başarnykly bolmaklaryny gazanmak we sagdyn durmuş ýörelgesini durmuşa ornaşdyrmak wezipelerinden ybaratdyr. “Umumy ideg işi hünäri boýunça 1 (bir) ýyllyk okuwyny doly tamamlan uçurymlara başlangyç hünär bilimi hakynda döwlet nusgasyndaky diplom beriler.

Doly oka

60

08.08.2025

190

INDIRA GANDI ADYNDAKY AŞGABAT LUKMANÇYLYK ORTA OKUW MEKDEBI

Başlangyç hünär biliminiň gündizki okuwy boýunça 2025/ 2026 – njy okuw ýyly üçin aşakdaky hünär boýunça talyplyga kabul edýär. Hünäri : “Umumy ideg işi” (kiçi şepagat uýasy) I.Gandi adyndaky Aşgabat lukmançylyk orta okuw mekdebine Türkmenistanyň umumy doly orta bilimi bolan, ýaşy 35-den geçmedik, Aşgabat şäherinde ýaşaýan (ýazgyda duran) raýatlar giriş synaglarynyň netijeleri boýunça okuwa kabul edilýär. Okuwyň dowamlylygy 1 (bir) ýyl, okuwlar tölegli esasda alnyp barylýar. Resmi iş kagyzlary I.Gandi adyndaky Aşgabat lukmançylyk orta okuw mekdebinde 2025-nji ýylyň 25–nji awgustyna çenli kabul edilýär. Resmi iş kagyzlarynyň sanawy: - bellenilen nusgada direktoryň adyna ýazylan arza; - bellenilen nusgadaky sowalnama (anketa); - bilimi baradaky resminama ( asyl nusgasy); - Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy; - soňky okan ýerinden ( işlän ýerinden, harby bölümden) häsiýetnama; - 3х4 sm ölçegdäki dokuz sany fotosurat; - işleýänler üçin zähmet depderçesiniň tassyklanan göçürmesi; Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar: - pasportyny; - harby şahadatnamasyny ýa-da ýazylyş şahadatnamasyny we ýaşaýan ýeri boýunça harby wekillikden güwä hatyny; - aýratynlyklaryna laýyklykda goşmaça resminamalar. Nädogry berlen maglumatlar we galp resmi iş kagyzlary üçin dalaşgär şahsy jogapkärçiligi çekýär. Giriş synaglary 2025–nji ýylyň 26-28-nji awgusty aralygynda, I.Gandi adyndaky Aşgabat lukmançylyk orta okuw mekdebinde ( Aşgabat şäherinde) geçiriler. Giriş synaglary himiýa, biologiýa, Türkmenistanyň taryhy derslerinden, umumy bilim berýän orta mekdepleriniň okuw maksatnamalarynyň esasynda, döwlet dilinde geçiriler. Giriş synaglarynyň tertibinde bellenen wagtynda synaglara gelip bilmedikler ýa-da okuw dersleriniň biri boýunça synagdan geçip bilmedikler soňky synaglara goýberilmeýär. Okuwlar 2025 – nji ýylyň 1- nji sentýabrynda başlanar. Bellik: okuwyny doly geçip, gutardyş döwlet synaglaryny üstünlikli tabşyran uçurymlara, okuwyny tamamlan ýyly, Başlangyç hünar bilimi hakynda diplomynyň asyl nusgasy beriler. I.Gandi adyndaky Aşgabat lukmançylyk orta okuw mekdebiniň salgysy: Aşgabat ş., 2023-nji (M.Kösäýew) köçe, 90; tel.: 36-96-73, 36-93-82.

Doly oka

190

Täzelikler we habarlar