Täzelikler - I.Gandi adyndaky Aşgabat lukmançylyk orta okuw mekdebi

30.08.2024

51

Owganystanyň wekiliýeti Aşgabatda birnäçe duşuşyklary geçirdiler

Düýn ýurdumyzda saparda bolýan Owganystanyň Magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary paýtagtymyzda geçirilen duşuşyklara gatnaşdylar.Myhmanlar ähli ugurlar boýunça sazlaşykly ösüş ýoluna düşen Türkmenistan bilen hyzmatdaşlygy ösdürmäge uly gyzyklanma bildirýändiklerini nygtadylar.Geçirlen duşuşyklarda ikitaraplaýyn gatnaşyklary ösdürmegiň meseleleri we bilelikdäki taslamalary amala aşyrmagyň giň möçberli meýilnamalary ara alnyp maslahatlaşyldy.Owganystanly myhmanlar halkara hyzmatdaşlygyny ösdürmek üçin ähli zerur mümkinçilikleriň döredilen ýurdy hökmünde ykrar edilen Türkmenistanda amala aşyrylýan taslamalara gatnaşmaga uly gyzyklanma bildirýändiklerini nygtadylar.Goňşy ýurduň wekiliýetiniň sapary dowam edýär.

Doly oka

51

29.08.2024

52

BILIMLI NESIL — WATANYŇ GELJEGI

Hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe ýurdumyzyň ösüşiniň, uzak möhletli döwlet maksatnamalarynyň amala aşyrylmagynyň möhüm şerti hökmünde milli bilim ulgamynyň döwrebaplaşdyrylmagyna aýratyn ähmiýet berilýär. Bilim edaralarynyň işi milli ýörelgelere we öňdebaryjy dünýä tejribelerine laýyklykda barha kämilleşdirilýär.Ak mermerli paýtagtymyzyň umumybilim berýän orta mekdeplerinde hem golaýlap gelýän täze okuw ýylyny guramaçylykly garşylamak üçin taýýarlyk işleri geçirildi.Ýurdumyzyň ýüregi bolan Aşgabat şäheriniň bilim edaralarynda, şol sanda 146 sany orta mekdepde we 189 sany çagalar bagynda ýeňil hem-de düýpli abatlaýyş işleri geçirilip, olar täze okuw ýylyna doly taýýar edildi. Okuwçylaryň 1-nji sentýabrdan başlap döwrebap, häzirki zaman şertlerinde bilim almagy üçin ähli şertler döredildi. Şu ýyl Arkadagly Gahryman Serdarymyzyň we Gahryman Arkadagymyzyň adyndan 1-nji synpa kabul edilen 17 müň 864 okuwça «Bilimli» atly noutbuk kompýuterleri sowgat berler.Daşary ýurt dillerini okatmagy kämilleşdirmegiň konsepsiýasynyň meýilnamasyna laýyklykda, daşary ýurt dillerine ýöriteleşdirilen orta mekdepleriň gerimini giňeltmek boýunça işler dowam etdirilýär. Täze okuw ýylynda paýtagtymyzda ýöriteleşdirilen orta mekdepleriň 52-si hereket eder hem-de olaryň 33-sinde daşary ýurt dilleri çuňlaşdyrylyp öwrediler.Bilim ulgamyny döwrebap guramakda okuw mekdeplerini hünärmenler bilen üpjün etmek esasy wezipeleriň biridir. Täze okuw ýylyna taýýarlygyň çäginde bilim edaralaryny mugallymlar bilen üpjün etmek meselesine aýratyn ähmiýet berildi. Şonuň bilen baglylykda, 2024-2025-nji okuw ýylynda pedagogik ugurly orta hünär we ýokary okuw mekdeplerini tamamlanlaryň jemi 1 müň-den gowragy paýtagtymyzyň bilim edaralaryna işe ýollanyldy.Şu ýylyň dowamynda jemi 1650 sany bilim işgäri pedagogik ugurly ýokary okuw mekdeplerindäki hünär derejesini ýokarlandyryş fakultetlerinde, Türkmenistanyň Milli bilim institutynda, Baş bilim müdirliginiň ýanyndaky Hünär derejesini ýokarlandyryş merkezinde guralan okuwlara gatnaşdylar.Bilim edaralarynyň okuw kitaplary, okuwusuly gollanmalar bilen yzygiderli üpjün edilmegine, olaryň aýawly saklanylmagyna, netijeli peýdalanylmagyna, elektron resminamalar dolanyşygy ulgamyny we internet web saýtlaryny döretmek, maglumat-aragatnaşyk ulgamlarynyň kiberhowpsuzlygyny üpjün etmek meselelerine aýratyn üns berilýär.2023-2024-nji okuw ýylynda paýtagtymyzyň mekdep okuwçylary halkara olimpiadalarda, döredijilik bäsleşiklerinde üstünlikli çykyş edip, 57 medala, şol sanda 11 altyn, 17 kümüş, 29 bürünç medala, halkara internet bäsleşiginde 2 altyn medala, 119 sany I, II we III derejeli diplomlara mynasyp boldular. Şolaryň hatarynda Gazagystan Respublikasynda geçirilen 20-nji Halkara Žautykow olimpiadasynda, Malaýziýanyň Kuala-Lumpur şäherinde geçirilen iňlis dili dersi boýunça halkara bäsleşikde, Bolgariýanyň Warna şäherinde geçirilen BMO-2024 matematika olimpiadasynda, Litwa döwletiniň Wilnýus şäherinde geçirilen VILIPO-2024 (Wilnýus halkara taslama olimpiadasy) taslama bäsleşiginde, Özbegistan Respublikasynda geçirilen AVICENNA adyndaky halkara biologiýa, şeýle-de Muhammet Al-Horezmi adyndaky Ýaşlaryň halkara matematika olimpiadalarynda, Türkiýe Respublikasynyň Antalýa şäherinde geçirilen ýaş mekdep okuwçylarynyň 28-nji Balkan matematika olimpiadasynda, Russiýa Federasiýasynyň Hanty-Mansiýsk şäherinde geçirilen halkara ylmy fizika olimpiadasynda (International Scientific Physics Olympiad, ISPhO), Beýik Britaniýanyň we Demirgazyk Irlandiýanyň Birleşen Patyşalygynyň Bat şäherinde geçirilen 65-nji halkara matematika olimpiadasynda, şeýle-de Türkmenistanyň Ylymlar akademiýasynyň Tehnologiýalar merkeziniň 10 ýyllygy mynasybetli mekdep okuwçylarynyň arasynda «Ýaş innowatorlar» atly ylmy-döredijilik bäsleşiginiň döwlet tapgyrynda öz zehin-başarnyklaryny görkezip, baýrakly orunlary eýeländiklerini bellemek buýsançlydyr.Paýtagtymyzda ýerleşýän orta mekdeplerde «Altyn asyryň altyn zehinleri» atly ders hem-de taslama bäsleşigi, ýöriteleşdirilen mekdepleriň okuwçylarynyň arasynda robot tehnikasy, takyk we tebigy ugurly okuw dersleri boýunça ylmy-döredijilik bäsleşikleri, akyldar şahyrymyz Magtymguly Pyragynyň doglan gününiň 300 ýyllyk ýubileýi, şeýle-de 2024-nji ýylyň «Türki dünýäniň beýik şahyry we akyldary Magtymguly Pyragynyň ýyly» diýlip yglan edilmegi mynasybetli umumybilim berýän mekdepleriň 4 — 11-nji synp okuwçylarynyň arasynda «Magtymguly Pyragynyň döredijiligi — ylham çeşmämiz» diýen at bilen döredijilik bäsleşikleri, umumybilim berýän mekdepleriň kiçi ýaşly okuwçy gyzlarynyň arasynda «Iň eýjejik gyzjagaz — 2024», mekdebe çenli çagalar edaralarynyň körpeleriniň gatnaşmagynda daşary ýurt dilleri boýunça «Berekella, pälwanlar!», «Körpe wäşiler», «Dil bilen dünýäni gezer», «Diller — dostluk köprüsi» atly bäsleşikler, Çagalary goramagyň halkara güni mynasybetli «Garaşsyz, Bitarap eziz Diýarda ýaňlansyn elmydam çaga gülküsi!», «Arkadag Serdarly bagtyýar nesiller — Watanyň guwanjy» atly aýdym-sazly medeni çäreler geçirildi.Berkarar döwletiň täze eýýamynyň Galkynyşy döwründe bilim özgertmelerini durmuşa ornaşdyrmakda döredijilikli zähmet çekýän, hünärine ussat bilim işgärlerini hem-de nusgalyk işler ýola goýlan göreldeli bilim edaralaryny ýüze çykarmak, olary höweslendirmek maksady bilen geçirilen bäsleşikleriň döwlet tapgyrynda Aşgabat şäheriniň orta we ýöriteleşdirilen orta mekdepleriniň, çagalar bakja-baglarynyň birnäçesi, ussat bilim işgärleri baýrakly orunlara mynasyp boldular.Arkadagly Gahryman Serdarymyzyň: «Ata-babalarymyzyň watansöýüjilik ruhuny, ynsanperwerlige ýugrulan durmuş kadalaryny, zähmet däplerini, asylly milli häsiýetlerini mynasyp dowam etdirip, geljekde hem beýik maksat üçin — Garaşsyz Diýarymyzy şöhratlandyrmak üçin yhlasly okamak, öwrenmek, döretmek we gurmak bagtyýar nesillerimiziň belent borjy bolmalydyr» diýen sargydyny goldanyp durmuşa geçirilýän bilim özgertmeleri bilim ulgamynyň işgärlerinde egsilmez buýsanç duýgusyny oýarýar. Ylymly-bilimli, sagdyn bedenli, giň dünýägaraýyşly, watansöýüji nesilleri terbiýelemek üçin zehin-başarnygymyzy aýaman, netijeli we jogapkärçilikli zähmet çekjekdigimize ynandyrýarys.Milli bilim ulgamyny halkara derejede kämilleşdirmek ugrundaky nusgalyk işleri üçin Arkadagly Gahryman Serdarymyza hem-de Gahryman Arkadagymyza çäksiz hoşallygymyzy bildirýäris.Baýrammyrat ANNAÝEW, Aşgabat şäher Baş bilim müdirliginiň başlygy."Türkmenistan"29.08.2024ý. №218.

Doly oka

52

28.08.2024

77

Okuwçylar we talyplar, täze okuw ýylyňyz bagtyýarlyga beslensin!

1-nji sentýabra çenli ýene-de birnäçe gün galdy, ýöne, eýýäm çagalaryň hem-de talyp ýaşlaryň arasynda täze okuw ýylynyň ruhy duýulýar. Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýiniň altynjy sergi zalynda Bilimler we talyp ýaşlar gününe bagyşlanylyp, surat we heýkel işleriniň sergisi ýaýbaňlandyryldy.Muzeýiň sungat eserleri saklanylýan jaýlarynda Bilimler we talyp ýaşlar gününe degişli suratlar bar, şolarsyz bu baradaky mazmuny žiwopis eserleri arkaly açmagy göz öňüne getirmek kyn. Olar ýyl-ýyldan saklanýan ýerini terk edip, tomaşaçylar bilen ýene-de duşuşmak üçin sergi zalyna geçirilýär. Bular, elbetde, Ýewgeniýa Adamowanyň «1-nji sentýabr» hem-de Yzzat Gylyjowyň «Kitap bazary» işleridir. «1-nji sentýabr» suratynda maşgala agzalarynyň ählisiniň birinji synpa barýan gyzjagaza gerekli zatlary jemlemek ugrunda başdan geçirýän duýgulary: kiçi oglan jigisiniň guwanjy, gyz jigisiniň gabanjy, ejesiniň buýsanjy we goňşynyň bilesigelijiligi beýan edilýär. Birinji synp gyzjagazyň özi bolsa, biraz ulumsy sebäbi ol indi okuwçy.Yzzat Gylyjowyň ýagty öwüşginlere baý «Kitap bazary» atly suraty ajaýyp eser bolup, paýtagtyň ýaşaýjylary üçin aýratyn düşnüklidir we gymmatlydyr. Ahyry, Aşgabat ýer titremesiniň netijelerinden soň, täzeden dikeldildi. Adamlar bilimlere tarap ymtyldylar, bilim bolsa şol wagtlar diňe kitaplardady. Halk suratkeşine şol döwrüň ruhuny: paýtagtyň merkeziniň binagärligini, adamlaryň özüni alyp baryşlaryny we şol wagtyň egin-eşiklerini örän takyk beýan etmek başardypdyr.«Saragt Babaýewiň ussahanasynda» atly suratynda suratkeş Babageldi Owganow dörediji ýaşlaryň halk suratkeşi bilen Oguz hanyň synag heýkelini ara alyp maslahatlaşýan pursatyny şekillendiripdir.Türkmen suratkeşleriniň işleriniň sergisiniň üsti muzeýe sowgatlar gaznasynyň surat eserleri bilen ýetirilipdir. Şunda ermeni suratkeşleriniň işleri-de goşulypdyr, olar, esasan, güllerden boglan çemenleriň natýurmort eserleridir. Şeýle güller çemeni bolsa 1-nji sentýabrda mekdepleriň hem-de ýokary okuw mekdepleriniň mugallymlary üçin baýramçylyk sowgadyna öwrülýär.Martiros Sarýanyň iki natýurmorty – ol tebigatyň sentýabr aýy üçin taýýarlan iň datly nygmatlary barada gürrüň berýän eserler.Serginiň açylyş dabarasyna Türkmenistanyň Suratkeşler birleşmesiniň we Türkmen döwlet medeniýet institutynyň wekilleri gatnaşdylar. Sergi tomaşaçylara oňyn duýgulary bagyş etdi.

Doly oka

77

27.08.2024

150

Öňdebaryjy bilim tehnologiýalary ara alyp maslahatlaşmak: türkmen wekiliýetiniň Innopolis uniwersitetine iş sapary

Şu gün söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň dokuzynjy mejlisine gatnaşýan Türkmenistanyň Bilim ministriniň orunbasary Tatarstan Respublikasynyň Innopolis uniwersitetine baryp gördi. Saparyň dowamynda uniwersitet şäherçesinde gezelenç guraldy, bu ýerde uniwersitetiň esasy bilim we gözleg meýdançalary, şol sanda häzirki zaman barlaghanalary we okuw meýdançalary görkezildi. Maglumat tehnologiýalary, robot tehnikasy we emeli aň babatda hünärmenleri taýýarlamaga gönükdirilen bilim maksatnamalary bilen tanyşdyryldy. Sanly tehnologiýalaryň okuw işine utgaşdyrylmagyna, emeli aňyň esasynda onlaýn okuwlary we ulgamlary döretmäge gönükdirilen taslamalar uly täsir galdyrdy.Innopolis uniwersitetiniň ýolbaşçylary bilen geçirilen iş duşuşygynda Türkmenistanda bilim ulgamyny sanlylaşdyrmagyň geljegi we rus kärdeşleri bilen tejribe alyşmagyň mümkinçilikleri ara alnyp maslahatlaşyldy. Innopolis uniwersiteti Türkmenistanda bilimiň ösmegi üçin peýdaly bolup biljek sanly bilim tehnologiýalary ulgamynda gazananlary bilen tanyşdyrdy. Uniwersitetiň üstünlikli tejribesini türkmen bilim ulgamyna uýgunlaşdyrmagyň mümkinçiliklerine hem garaldy.Gazanylan tejribäniň we tanyşdyrylan tehnologiýalaryň sanlylaşdyrmak babatynda Türkmenistanyň bilim ulgamynyň ösmeginde möhüm ähmiýete eýe boljakdygy bellenilip geçildi. Bu sapar Türkmenistan bilen Tatarstanyň arasyndaky ylym we bilim hyzmatdaşlygyny çuňlaşdyrmak ugrunda möhüm waka boldy.Türkmenistanyň Bilim ministrligi.

Doly oka

150

26.08.2024

65

Magtymguly Pyragynyň we gadymy Änewiň şöhraty dünýä ýaň salýar

Ýakynda Türkiýe Respublikasynda Türki medeniýetiň halkara guramasy (TÜRKSOÝ) tarapyndan Magtymguly Pyragynyň goşgular ýygyndylary türk dilinde neşire taýýarlanyldy. Munuň özi medeni-ynsanperwer ulgamda netijeli hyzmatdaşlygy ösdürmek boýunça Gahryman Arkadagymyzyň öňe süren başlangyçlarynyň häzirki wagtda hormatly Prezidentimiziň baştutanlygynda üstünlikli durmuşa geçirilýändiginiň nobatdaky güwäsidir.“Pähim-paýhas ummany Magtymguly Pyragy” şygary astynda geçýän şu ýylda ýurdumyzyň ähli künjeginde we daşary döwletlerde beýik akyldar şahyryň ýubileýine bagyşlanan çäreleriň geçirilýändigini bellemek gerek. Olaryň esasy maksady Magtymguly Pyragynyň edebi mirasynyň mundan beýläk-de wagyz edilmegine ýardam etmekden, bu ugurda ylmy barlaglary çuňlaşdyrmakdan, türkmen nusgawy şahyrynyň şahyrana-filosofik mirasyna halkara ylmy-edebi jemgyýetçiligiň ünsüni çekmekden ybaratdyr.Mälim bolşy ýaly, 2024-nji ýyl “Türki dünýäsiniň beýik şahyry we akyldary Magtymguly Pyragy ýyly”, gadymy Änew şäheri bolsa “Türki dünýäsiniň medeni paýtagty” diýlip yglan edildi. Munuň özi halkara ynsanperwer başlangyçlary işjeňleşdirýän döwlet hökmünde Türkmenistanyň tagallalarynyň we ägirt uly medeni mümkinçilikleriniň ykrar edilýändiginiň nobatdaky güwäsidir. Berkarar döwletiň täze eýýamynyň Galkynyşy döwründe akyldar şahyryň şygyrlary täzeçe öwüşginde ýaňlanyp, halkara ynsanperwer hyzmatdaşlygy pugtalandyrmakda türkmen halkynyň hoşmeýilli erkiniň nyşanyna öwrüldi. Beýik söz ussadynyň döredijilik mirasy bahasyna ýetip bolmajak milli baýlygymyzdyr we dünýä medeniýetiniň hazynasynyň aýrylmaz bölegidir.Magtymgulynyň eserleri asyrlar geçse-de, ähmiýetini ýitirmän gelýär hem-de ol Türkmenistanyň çäginden daşarda-da örän meşhurdyr. Çünki olarda Watana söýgi, parahatçylyk söýüjilik, döredijilige, hoşniýetli goňşuçylyga, dost-doganlyga çagyryş ýaly ebedi gymmatlyklar öz aýdyň beýanyny tapýar. Şahyr asyllylyk, wepalylyk, ahlak arassalygy, rehim-şepagatlylyk, dogruçyllyk, zähmetsöýerlik ýaly ynsanyň iň gowy häsiýetlerini wasp edipdir. Pyragynyň döredijilik dünýäsi baý we köpugurlydyr. XVIII asyryň türkmen durmuşy, taryhy, syýasy wakalar, türkmen topragyna çäksiz söýgi, ýaşaýşyň ebedi sowallary, tebigat gözelligi, ahlak päkligi — bularyň ählisi ussadyň şygyrlarynda öz beýanyny tapypdyr. Onuň goşgulary türkmen we türki dilli edebiýatyň ösmegine uly täsir edip, ýazyjy-şahyrlaryň soňky nesilleri üçin özboluşly edebi mekdebe öwrülipdir.***Akyldar şahyryň doglan gününiň 300 ýyllygyna bagyşlanyp, “TÜRKSOÝ” hem-de gadymy Änew şäheriniň 2024-nji ýylda “Türki dünýäsiniň medeni paýtagty” diýlip yglan edilmegi mynasybetli “Business Turk” žurnallarynyň Türkmenistana bagyşlanan ýörite sanlary neşire taýýarlanyldy. Bu bolsa milli medeniýetimizi we edebi mirasymyzy dünýä ýaýmakda netijeli işleriň amala aşyrylýandygynyň aýdyň beýanydyr. Täze neşirler Gündogaryň akyldar şahyry Magtymguly Pyragynyň goşgularyny, türkmen halkynyň şöhratly taryhyny dünýä jemgyýetçiligine has giňden tanatmaga, Ýer ýüzünde parahatçylyk, ynanyşmak medeniýetini ösdürmegiň möhüm şerti bolup durýan netijeli ynsanperwer dialogy, dostlukly gatnaşyklary, halklaryň arasyndaky düşünişmegi pugtalandyrmaga goşant goşar.

Doly oka

65

22.08.2024

219

Tebigy ylymlar boýunça okuw kitaplar çap edilýär

Türkmenistanyň Bilim ministrliginiň utgaşdyrmagynda ýurdumyzda okuw kitaplarynyň we okuw goldanmalarynyň işlenilip taýýarlanylmagy dowam edýär.Botanikany we zoologiýany birleşdirip özünde jemleýän biologiýa ugry orta bilim we ýokary okuw mekdepleriniň mugallymlarynyň we işgärleriniň bilelikdäki tagallalary arkaly artdyrylýar. Bu işlere Türkmenistanyň Daşky gurşawy goramak ministrliginiň Çöller, ösümlik we haýwanat dünýäsi milli institutynyň birnäçe ylmy işgärleri goşuldy.Häzirki wagtda altynjy synp üçin biologiýa (ösümlikler) okuw kitabynyň synag nusgasy çykaryldy, ol dersleri çuňlaşdyryp öwredýän ýöriteleşdirilen mekdeplere niýetlenendir. Şeýle mekdeplerde biologiýa üçin hepdede üç sagat bölünip berilýär, adaty okuw mekdeplerinde bu ders üçin hepdede iki sagat bölünip berilýär.Täze kitap ozalky neşirleriň gaýtadan işlenilen mazmunyny özünde jemledi. Tekstleriň ýany bilen fotosuratlar, suratlar ýerleşdirildi.Umuman, 2016-njy ýyldan 2019-njy ýyl aralygyndaky döwürde türkmen dilinde neşire şunuň ýaly okuw kitaplarynyň birnäçesi taýýarlanyldy, şolaryň hatarynda Türkmenistanyň Saglygy goraýyş we derman senagaty ministrliginiň ýanyndaky lukmançylyk hünär mekdepleri üçin botanika boýunça gollanma, dokuzynjy synp okuwçylar üçin umumy biologiýa, orta bilim mekdepleriniň bäşinji we altynjy synplary üçin biologiýa (ösümlikler) kitaplary bar.Kitaplaryň Türkmen döwlet neşirýat gullugynyň binýadynda gaty sahapda melli kagyzda neşir edilendigini nygtamak gerek.Çeşmesi: Türkmenistan: Altyn asyr

Doly oka

219

21.08.2024

145

Öý üçin niýetlenen 5 sany «akylly» enjam

Tehnologiki ösüşiň örän tiz depginde dowam edýän häzirki döwründe öýlerimiz has-da «akyllanýar». Innowasiýa enjamlary we awtomatlaşdyryş ulgamlary adaty jaýy rahatlyk, howpsuzlyk we energiýa netijeliligi täze derejä çykýan ýokary tehnologiýaly giňişlige öwürýär. Akylly termostatlardan başlap, tozan sorujylara çenli häzirki zaman «akylly» öý enjamlary diňe bir gündelik işleri aňsatlaşdyrman, eýsem durmuşymyzy düýpgöter özgerdýär.1. «Akylly» LED lampalar Wi-Fi ulgamy arkaly işledilip, ses buýruklaryny goldaýar we mobil programma arkaly uzakdan dolandyrylýar. Şekilleriniň we esaslarynyň dürlüligi sebäpli, bu lampalar islendik çyra üçin amatlydyr.«Akylly» lampalaryň esasy artykmaçlygy — ýagtylygy uzakdan sazlamak we belli bir tertibe laýyklykda, yşyklandyryşy ýakmak/öçürmekdir. Olar buýruk boýunça ýagtylygyň intensiwligini we reňkini ýa-da taýmerine görä, awtomatiki üýtgedip bilýärler. Programmada ulanyjylar her çyra üçin aýratyn iş tertibini gurup we ony aňsatlyk bilen sazlap bilerler.Käbir modellerde otagda deň däl yşyklandyryşy döredip bilýän ýagtylygy şöhlelendirip bolar. «Akylly» lampalaryň köpüsi Alisa, Amazon Alexa we Google Home ýaly meşhur «akylly» öý platformalary bilen sazlaşykda gurnalýar.2. Akylly rozetka — içerki gurnalan «akylly» ulgamlary bolmadyk öýler üçin amatly enjam. Uzakdan dolandyrmagy goldaýan we birikdirilen enjamlaryň işleýşine gözegçilik etmäge mümkinçilik berýän enjamlar bilen çatylyp bilner. Dolandyryş berlen taýmeriň kömegi bilen ýa-da mobil programma arkaly häzirki wagt hasaby boýunça ulanylýar.«Akylly» rozetkalaryň işleýşi dürli-dürlüdir, bu olaryň bahasy bilen kesgitlenýär. Esasy aýratynlyklary energiýa ölçeglerini, birikdirilen enjamlaryň uzakdan öçürilmegini we aşa gyzmagy bilen awtomatiki öçürmegi öz içine alýar. Käbir modeller jaýyň eýeleriniň bardygyny simulirlemek üçin gysga wagtlap enjamlary açanda, «Dynç alyş» režimi bilen enjamlaşdyrylandyr.Daşyndan «akylly» rozetka bir girişli ykjam adaptere çalym edýär. Bir tarapynda adaty rozetka birikdirmek üçin wilka bolup, beýleki tarapynda dolandyrylýan enjam üçin birleşdiriji bar. Modelleriň köpüsinde işleýiş we birikme ýagdaýyny görkezýän LED görkezijisi hem bolýar.3. Girelge gapysy üçin akylly gulp. Gapyny açanyňyzda, bu enjam şahsylaşdyrylan ssenariýalary işjeňleşdirip biler: çyralary ýakmak, çäýnegi gaýnatmak ýa-da saz çalmak. Her maşgala agzasynyň özboluşly giriş we çykyş hereketleri bolup biler.Gulpuň esasy wezipesi — rugsatsyz girişden goramak — dürli kesgitleýiş usullary arkaly amala aşyrylýar. Gapyny adaty açar, sanly kod, barmak yzy ýa-da NFC belligi bilen açyp bilersiňiz. Enjamyň ýady köp aýratyn düwmeleri saklamaga mümkinçilik berýär. Mundan başga-da, gulpy mobil programma arkaly uzakdan açyp bolýar.Şübheli hereket ýüze çykan halatynda, «akylly» gulp duýduryş we wideo gözegçilik ulgamyny işjeňleşdirýär, şeýle hem eýesine bu barada habar edip bilýär. Ol köp sanly «akylly» öý ulgamlary we ses kömekçileri bilen çatylyp işledilip bilner.Enjam, adatça, batareýalarda işlemek bilen, batareýanyň ýagdaýy barada hem eýesine habar berýär. Batareýanyň işjeňligi, kuwwaty pes bolanda habar iberilýär. Käbir modeller ätiýaçlyk elektrik üpjünçiligi bilen hem enjamlaşdyrylandyr.4. «Akylly» öý üçin howpsuzlyk datçikleri. Häzirki zaman bazary öý howpsuzlygynyň dürli taraplaryna gözegçilik edýän datçikleriň köpdürli görnüşlerini hödürleýär. Bu enjamlar dolandyryş merkezi bilen dürli aragatnaşyk protokollaryny ulanýarlar we adatça mobil programmalar bilen çatylýar. Datçikleriň iň uly isleg bildirilýän görnüşleri:Aýna zeper ýetmegini duýdurýan datçik daşky gurşaw seslerini seljerýän duýgur mikrofon bilen enjamlaşdyrylandyr. Döwülen aýnanyň häsiýetli sesini anyklanda, enjam dolandyryş merkezine we eýesiniň smartfonyna duýduryş iberip, duýduryşy işjeňleşdirýär.Suwuň syzyşyny görkezýän datçik tozandan we çyglylykdan ýokary derejede goragly ykjam enjamdyr. Ol öý enjamlary we sanitar-tehniki enjamlar astynda oturdylýar. Korpusyň aşaky bölegindäki aragatnaşyklar suwa täsir edýär, netijede bolsa suwuň syzýandygy barada habar berýär.Tüsse datçigi potolokda oturdylyp, fotodetektordan we infragyzyl şöhlelendirijiden durýar. Datçigiň kamerasyna tüsse girende fotodetektor tarapyndan kesgitlenýän IK şöhlesi döwülýär. Netijede, ses duýduryşy döredilýär we dolandyryş paneline hem-de smartfona duýduryş habarnamasy iberilýär.5. Döwrebap akylly gapy jaňy — hereket datçigini, wideokamerany, mikrofony hem-de dinamigi birleşdirýän köpugurly enjamdyr. Bahasy funksiýalaryň toplumyna we komponentleriň hiline bagly bolýar. Enjam «Wi-Fi» arkaly «akylly» öý ulgamyna birikdirilýär we mobil programma arkaly dolandyrylýar. Daşarky enjam batareýalar ýa-da zarýad berilýän batareýa bilen işledilip bilner, içki dinamika bolsa elektrik birikmesini talap edýär.«Akylly» jaňyň esasy aýratynlyklary şulary öz içine alýar: iki taraplaýyn ses aragatnaşygy, töwerekleýin wideoýaýlym, ýüzi tanamak, hereketi kesgitlemek, duýduryş habarnamalaryny ibermek.Ses duýduryşyny aýratynlykda düzüp bolýar: munda dostlaryňyz üçin ýakymly saz we nätanyş adamlar öýe aralaşmazlar ýaly ýiti sesli signal goýup bilersiňiz.Smartfona berilýän wideoýaýlym gelýänler bilen uzakdan aragatnaşyk saklamaga mümkinçilik berýär. Käbir modeller gijeki görüş we suratlary hem-de wideolary arhiwde ýazga almak ukyby bilen enjamlaşdyrylandyr.«Akylly» öýi döretmäge ilkinji ädim — dogry enjamlary saýlamakdyr. Islegleriňizi we býujetiňizi kesgitläň, dürli modelleriň aýratynlyklaryny hem-de olara berilýän bahalary öwreniň.Ýadyňyzdan çykarmaň: «akylly» öý statik ulgam däl-de, ösýän organizm mysalydyr. Täze tehnologiýalaryň peýda bolmagy bilen, öýüňizi has «akylly» we has oňaýly edip, elmydama onuň üstüni ýetirip we kämilleşdirip bilersiňiz.

Doly oka

145

19.08.2024

227

Türkmenistanyň Bilim ministrliginiň Innowasiýa maglumat merkezinde okuw seminary geçirildi

Awgust aýynyň 17-ne, ýurdumyzyň orta hünär okuw mekdeplerinde 2024-2025-nji okuw ýylyna taýýarlyk görmäge, şeýle hem orta hünär okuw mekdeplerinde bilim işiniň guralyşyny, olarda ýerine ýetirilýän okuw, okuw-usuly, ylmy-barlag we tejribe-amaly işleri kämilleşdirmek boýunça Türkmenistanyň Bilim ministrligi tarapyndan kabul edilen kadalaşdyryjy namalary tanyşdyrmaklyk boýunça Türkmenistanyň Bilim ministrliginiň Innowasiýa maglumat merkezinde okuw seminary geçirildi. Okuw seminaryna Innowasiýa maglumat merkeziniň direktory Ç.Hanmuhammedow, Türkmenistanyň Bilim ministrliginiň Ýokary we orta hünär bilimi bölüminiň baş hünärmeni D.Ilmyradow, Beki Seýtäkow adyndaky mugallymçylyk mekdebiniň mugallymy D.Muhammedow, Aşgabat we Arkadag şäherlerinde ýerleşýän orta hünär okuw mekdepleriniň direktorlarynyň orunbasarlary we hünärmenleri gatnaşdylar. Okuw seminarynyň dowamynda ýurdumyzyň orta hünär okuw mekdeplerinde 2024-2025-nji okuw ýylyna taýýarlyk görmek, 2024-nji ýylyň 1-nji sentýabrynda geçirilmeli çäreler şeýle-de orta hünär okuw mekdeplerinde bilim işiniň guralyşyny, olarda ýerine ýetirilýän okuw, okuw-usuly, ylmy-barlag we tejribe-amaly işleri kämilleşdirmek boýunça Türkmenistanyň Bilim ministrligi tarapyndan kabul edilen täze kadalaşdyryjy namalary bilen tanyşdyrmak barada meseleleri ara alnyp maslahatlaşyldy.Okuw seminaryny Türkmenistanyň Bilim ministrliginiň Ýokary we orta hünär bilimi bölüminiň başlygynyň orunbasary B.Saryýew açyp, ýurdumyzyň ähli bilim edaralarynda 2024-2025-nji okuw ýylyna taýýarlyk görmek boýunça işleri alyp barmak, bilim edaralarynyň binalarynda abatlaýyş işleriniň geçirmek bilen bagly berlen tabşyryklary ýerine ýetirmek hem-de ýurdumyzyň ýokary we orta hünär okuw mekdeplerinde täze okuw ýylyna taýýarlyk görmek boýunça degişli işleriň geçirilýändigini belledi.Mundan başga-da «Türkmenistanyň orta hünär okuw mekdepleriniň reýting bahalandyrmasy hakynda» hem-de «Türkmenistanyň orta hünär okuw mekdepleriniň pedagogik işgärleriniň reýting bahalandyrmasy hakynda» düzgünnamalaryň binýadynda, Türkmenistanyň Bilim ministrliginiň Innowasiýa maglumat merkeziniň hem-de Beki Seýtäkow adyndaky mugallymçylyk mekdebiniň degişli IT hünärmenlerinden we mugallymlaryndan düzülen topar tarapyndan ýörite programma üpjünçiliginiň işlenip taýýarlanylandygy barada habar berildi we bu programma üpjünçiliginiň orta hünär okuw mekdeplerine muzdsuz esasda ýörite tassyklanan meýilnama esasynda 2024-nji ýylyň 19-23-nji awgusty aralygynda ornaşdyryljakdygy mälim edilip, gatnaşýanlara bu degişli taýýarlyk işleri görmegi tabşyryldy.Okuw seminarynyň dowamynda Türkmenistanyň Bilim ministrliginiň Innowasiýa maglumat merkeziniň hem-de Beki Seýtäkow adyndaky mugallymçylyk mekdebiniň degişli IT hünärmenleri we mugallymlary taýýarlanan programma üpjünçiliginiň işleýiş düzgünleri bilen okuw seminaryna gatnaşanlary tanyşdyrdylar we giňişleýin teswirnama berdiler. Şeýle-de okuw seminarynyň dowamynda okuw seminaryna gatnaşan orta hünär okuw mekdepleriniň direktorlarynyň orunbasarlarynyň we degişli hünärmenleriniň özlerini gyzyklandyrýan dürli sowallaryna jogap berildi.Okuw seminary jemlemek bilen Türkmenistanyň Bilim ministrliginiň Ýokary we orta hünär bilimi bölüminiň başlygynyň orunbasary ýurdumyzy gülledip ösdürmek, bilim ulgamyny döwrebaplaşdyrmak, halkara hyzmatdaşlygyny has-da giňeltmek babatynda döredip berýän mümkinçilikleri üçin Hormatly Gahryman Arkadagymyzyň hem-de Hormatly Prezidentimiz, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli işleriniň rowaç almagyny tüýs ýürekden arzuw etdi.

Doly oka

227

16.08.2024

202

Türkmenistanyň Sloweniýa Respublikasyndaky Ilçisi Döwlet baştutanyna ynanç hatyny gowşurdy

2024-nji ýylyň 13-nji awgustynda Lýublýana şäherinde Prezidentiň köşgünde Türkmenistanyň Sloweniýa Respublikasyndaky täze bellenen Adatdan daşary we Doly ygtyýarly Ilçisi E.Aýdogdyýewiň (oturýan ýeri Moskwa şäheri) ýurduň Prezidenti hanym Nataşa Pirs-Musara ynanç hatyny gowşuryş dabarasy geçirildi. Bu barada ýurdumyzyň daşary syýasat edarasynyň metbugat gullugy habar berýär.Dabaranyň dowamynda Ilçi E.Aýdogdyýew Sloweniýa Respublikasynyň Prezidentine Türkmenistanyň Prezidenti Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyndan mähirli salamyny we iň gowy arzuwlaryny ýetirdi.Duşuşygyň dowamynda taraplar iki dostlukly ýurduň arasyndaky syýasy-diplomatik, söwda-ykdysady we medeni-ynsaperwer gatnaşyklaryň mundan beýläk hem ösdürilmegine özara gyzyklanma bildirdiler.Şeýle hem Sloweniýa Respublikasynyň Prezidenti Nataşa Pirs-Musar Türkmenistanyň ýolbaşçylygyna minnetdarlyk sözlerini we mähirli salamyny ýetirdi.a

Doly oka

202

15.08.2024

162

BAGTYÝAR DÖWRÜŇ BAGTLY TALYPLARY

Hormatly Prezidentimiz, Arkadagly Gahryman Serdarmyzyň taýsyz tagallalary bilen ýaşlaryň ylymly bilimli, giň dünýägaraýyşly hünärmen bolup ýetişmekleri üçin uly aladalar edilýär, giň mümkinçilikler döredilýär.«Pähim - paýhas ummany Magtymguly Pyragy» ýylynda maňa hem Indira Gandi adyndaky Aşgabat lukmançylyk orta okuw mekdebiniň bagtly talyby bolmak kalbymy joşa getirdi.Lukman Alym Arkadagymyzyň: “ Saglyk - bu gözel tebigatymyzyň ynsana eçilen nygmatydyr” diýen jöwher jümlelerinden ruhlanýan mähriban halkymyz Alym Arkadagymyzyň ýiti zehininden dörän “Türkmenistanyň dermanlyk ösümlikleri” atly köp jiltli eseri, jana şypa beriji melhem çaýlary gündelik durmuşynda yzygiderli ulanyp ynsan saglygyna şypa bermekde hem-de, tebigy dermanlyk ösümlikleri bilen keselleri bejermekde giňden ulanylýan gollanma öwrüldi. Gahryman Arkadagymyzyň: “Döwlet adam üçindir” diýen taglymatynda ýurdumyzda adamyň saglygy jemgyýetiň we döwletiň iň gymmatly baýlygy hasaplanýar.Men hem öz gezegimde ilatyň jan saglygyny goramaga mynasyp goşandymy goşjakdygyma berk ynandyrýaryn.Ýaşlara döwrebap şertlerde okamaga, öwrenmäge, we zähmet çekmäge döredip berýän şeýle ajaýyp mümkinçilikleri üçin Gahryman Arkadagymyza, hormatly Prezidentimize talyp ýüregimizden köp-köp sagbolsun aýdýarys. Ýaş nesliň bagtyýar durmuşy we nurana geljegi barada çuňňur aladalanýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, il-ýurt bähbitli, adamzat ähmiýetli beýik işleri üstünliklere beslensin!Indira Gandi adyndaky Aşgabat lukmançylyk orta okuw mekdebiniň I- nji ýyl talyby Berdiýewa Selbi

Doly oka

162

Täzelikler we habarlar