Täzelikler - I.Gandi adyndaky Aşgabat lukmançylyk orta okuw mekdebi

17.10.2024

210

Söwda-ykdysady we ylmy-tehniki hyzmatdaşlyk boýunça bilelikdäki türkmen-täjik hökümetara toparynyň mejlisi

Düýn paýtagtymyzda Söwda-ykdysady we ylmy-tehniki hyzmatdaşlyk boýunça bilelikdäki türkmen-täjik hökümetara toparynyň 13-nji mejlisi geçirildi. Oňa gatnaşmak üçin Täjigistan Respublikasynyň Premýer-ministriniň orunbasary S.Ziýozodanyň ýolbaşçylygyndaky wekiliýet Aşgabada geldi.Mejlisiň barşynda iki ýurduň arasyndaky özara erk-islege daýanýan gatnaşyklaryň soňky ýyllarda hil taýdan täze mazmuna eýe bolandygy nygtaldy. Ýokary we Hökümet derejesindäki özara saparlardyr duşuşyklaryň geçirilmegi yzygiderli häsiýete eýe boldy. Munuň özi netijeli hyzmatdaşlygy ähli ugurlar boýunça ösdürmäge ýardam edýär.Hormatly Prezidentimiz Serdar Berdimuhamedowyň geçen ýylyň maý, sentýabr aýlarynda Täjigistan Respublikasyna amala aşyran döwlet we iş saparlary hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň şu ýylyň aprelindäki resmi sapary däp bolan dostlukly türkmen-täjik gatnaşyklarynyň taryhynda möhüm waka boldy. Gepleşikleriň jemleri boýunça gazanylan ylalaşyklar we gol çekilen resminamalar dürli ulgamlarda netijeli hyzmatdaşlygy mundan beýläk-de ösdürmäge itergi berdi.Bilelikdäki toparyň gün tertibine söwda-ykdysady gatnaşyklaryň möhüm meseleleri girizildi. Şunuň bilen baglylykda, özara bähbitli hyzmatdaşlygy diwersifikasiýalaşdyrmak, söwda dolanyşygynyň möçberini artdyrmak, maýa goýum işini işjeňleşdirmek, täze bilelikdäki taslamalary durmuşa geçirmek üçin uly mümkinçilikleriň bardygy bellenildi. Energetika pudagy, ulag we logistika, oba hojalygy, senagat geljegi uly ugurlaryň hataryndadyr. Işewür düzümleriň ugry boýunça netijeli gatnaşyklary giňeltmek babatda-da uly mümkinçilikleriň bardygy aýdyldy. Bilelikdäki ugurdaş çäreleriň yzygiderli geçirilmegi munuň üçin şertleri döredýär. Mejlise gatnaşyjylar uzak möhletleýin esasda ykdysady hyzmatdaşlygy ilerletmegiň täze görnüşlerini işläp taýýarlamagyň möhümdigini nygtadylar. Häzirki döwrüň talaplaryna laýyklykda, ylmy-tehniki ulgamda, öňdebaryjy tehnologiýalarydyr innowasiýalary ornaşdyrmak, bu ugurda hyzmatdaşlygy pugtalandyrmak aýratyn ähmiýete eýe bolýar.Ynsanperwer gatnaşyklary, şol sanda ylym-bilim ulgamynda hyzmatdaşlygy ösdürmäge aýratyn üns berildi. Täjigistan Respublikasynyň Hatlon welaýatynyň Dusti etrabynyň Ergeş Sultanow daýhan birleşiginde Magtymguly adyndaky umumybilim berýän orta mekdebiň gurlup ulanmaga berilmegi taryhy taýdan özara baglanyşýan iki halkyň doganlyk, hoşniýetli goňşuçylyk ýörelgelerine esaslanýan döwletara gatnaşyklarynyň aýdyň mysalydyr. Mälim bolşy ýaly, durmuş maksatly bu möhüm desganyň düýbüni tutmak dabarasy 2023-nji ýylyň 10-njy maýynda hormatly Prezidentimiziň dostlukly ýurda döwlet saparynyň çäklerinde geçirilipdi. Bu bilim edarasynyň binalar toplumynyň gurluşygy Türkmenistanyň Prezidentiniň 2022-nji ýylyň dekabrynda gol çeken Kararyna laýyklykda, türkmen gurluşykçylary tarapyndan ýerine ýetirildi. 540 orunlyk täze ajaýyp mekdep şu ýylyň 1-nji sentýabrynda okuwçylar üçin öz gapylaryny giňden açdy. Onuň açylyşyna Prezidentler Serdar Berdimuhamedow we Emomali Rahmon sanly ulgam arkaly ak pata berdiler.Türkmenistan bilen Täjigistan medeni ulgamda hem netijeli hyzmatdaşlyk edýärler. Medeniýet günleriniň we beýleki döredijilik çäreleriniň geçirilmegi munuň aýdyň güwäsidir. Şu ýyl dostlukly döwletiň wekilleri Gündogaryň beýik akyldar şahyry Magtymguly Pyragynyň doglan gününiň 300 ýyllygy mynasybetli ýurdumyzda geçirilen dürli çärelere gatnaşdylar. Prezident Emomali Rahmon şanly senä bagyşlanyp, 11-nji oktýabrda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara foruma gatnaşmak üçin paýtagtymyza sapar bilen geldi. Şunuň bilen baglylykda, Täjigistanda hem Magtymguly Pyragynyň ömrüne we döredijiligine bagyşlanan çäreleriň geçirilendigi bellärliklidir. Şeýle hem saglygy goraýyş, sport ulgamlarynda ikitaraplaýyn hyzmatdaşlygy giňeltmek üçin oňyn mümkinçilikleriň bardygy aýdyldy.Ýurtlaryň özara bähbitli gatnaşyklary ösdürmegi maksat edinýändigini, gazanylan ylalaşyklary iş ýüzünde durmuşa geçirmäge ygrarlydyklaryny tassyklap, mejlise gatnaşyjylar strategik häsiýete eýe bolan türkmen-täjik hyzmatdaşlygynyň täze many-mazmuna eýe bolup, geljekde hem üstünlikli ösdüriljekdigine ynam bildirdiler.Mejlisiň jemleri boýunça degişli Teswirnama gol çekildi.

Doly oka

210

16.10.2024

198

“Ýol hereketiniň howpsuzlygy – ömrümiziň rahatlygy”

Türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň talyp ýaşlar barada edýän bimöçber aladalaryndan we berýän gymmatly maslahatlaryndan ugur alyp, Berkarar döwletiň täze eýýamynyň Galkynyşy döwründe “Pähim – paýhas ummany Magtymguly Pyragy ýylynda” sentýabr aýynyň dowamynda Aşgabat, Arkadag şäherlerinde we welaýatlarda ýerleşýän ýokary we orta hünär okuw mekdepleriniň talyp ýaşlarynyň arasynda kanuny bozulmalaryň öňüni almak, ýol hereketiniň kadalaryny ýaramaz endikleriň täsirleri, hadysalaryň netijeleri, jenaýatçylygyň alamatyny, ýangyn howply ýagdaýlaryň döremek howpuny, sagdyn durmuş we milli ahlak ýörelgelerini düşündirmek maksady bilen Indira Gandi adyndaky Aşgabat lukmançylyk orta okuw mekdebiniň talyp ýaşlarynyň arasynda 2024-nji ýylyň 13-nji sentýabrynda “Ýol hereketiniň howpsuzlygy – ömrümiziň rahatlygy” atly wagyz nesihat çäresi geçirildi. Wagyz-nesihat çäresinde çykyş edenler Gahryman Arkadagymyzyň hem-de Arkadagly Gahryman Serdarymyzyň ýol-ulag hadysalarynyň öňüni almak, sürüjileriň hem-de pyýadalaryň ýol hereketiniň düzgünlerini berjaý etmegine berk gözegçiligi amala aşyrmak, ulagy dolandyrmagyň, ýollarda özüňi alyp barmagyň medeniýetini ýokarlandyrmak, ýol hereketini kadalaşdyrýan ulgamy has-da kämilleşdirmek, ýollaryň ýagdaýyny degişli derejede saklamak ýaly ugurlara yzygiderli üns berýärilýändigi barada nygtap geçdiler. Şeýle hem wagyz-nesihat çäresine gatnaşanlar Arkadagly Gahryman Serdarymyzyň “Watan diňe halky bilen Watandyr!” “Döwlet diňe halky bilen Döwletdir!” diýen ynsanperwer syýasaty esasynda ýurdumyzda adam hakyndaky alada, hususan-da, döwletimizde adamyň hukuklaryny, azatlyklaryny we saglygyny goramak, bagtyýar durmuşy, asuda jemgyýeti, jemgyýetçilik hukuk tertibini ýokary derejede üpjün etmek, ýaşlaryň arasynda jemgyýetçilik tertip-düzgünini we köçe-ýol hereketiniň kadalaryny berjaý etmek, dürli hukuk bozulmalaryň öňüni almak boýunça geçirilýän işler barada bellediler.

Doly oka

198

15.10.2024

193

Halkara olimpiadadaky üstünlikli çykyşlar

Ýakynda Russiýa Federasiýasynyň Soçi şäherinde maliýe howpsuzlygy boýunça IV halkara olimpiada geçirildi. 36 döwletden 600 töweregi ýaşlar gatnaşan bu olimpiada ýurdumyzyň ýokary okuw mekdepleriniň talyplary-da işjeň gatnaşyp, üstünlikli çykyş etdiler.Halkara olimpiada daşary ýurtlardan gatnaşyp, baýrakly orunlara mynasyp bolan 56 talybyň arasynda türkmenistanly ýaşlaryň bäsleşigiň ykdysadyýet, maglumat howpsuzlygy, hukuk, halkara gatnaşyklar ýaly ugurlarda öz ukyp-başarnyklary bilen ýokary netije gazanandyklaryny aýtmak ýakymlydyr. Şunda Türkmen döwlet ykdysadyýet we dolandyryş institutynyň 3-nji ýyl talyby Jennet Berdiýewa ykdysadyýet ugry boýunça birinji orna mynasyp bolmagy başardy. Şeýle-de Magtymguly adyndaky Türkmen döwlet uniwersitetiniň 3-nji ýyl talyby Nurmuhammet Täjimyradow maglumat howpsuzlygy, Türkmen döwlet maliýe institutynyň 4-nji ýyl talyby Aýsenem Nuryýewa ykdysadyýet, Türkmen döwlet ykdysadyýet we dolandyryş institutynyň 3-nji ýyl talyby Arslan Şaimow bolsa halkara gatnaşyklar ugurlary boýunça ikinji orunlara mynasyp boldular.Olimpiadanyň jemleýji tapgyrynyň dowam edýän günlerinde mekdep okuwçylary we talyplar meýilnama laýyklykda, dürli çärelere, umumy sapaklara, interaktiw seminarlara, wiktorinalara, rus halk oýunlarynyň festiwalyna, «Sibir halklarynyň medeniýeti we däp-dessurlary» atly serginiň açylyşyna hem-de sport ýaryşlaryna gatnaşdylar.Maliýe howpsuzlygy boýunça halkara olimpiada 2021-nji ýyldan bäri Russiýa Federasiýasynyň Prezidentiniň we RF-niň Hökümetiniň howandarlygynda geçirilýär.Olimpiada gatnaşan talyplar ýurdumyzda häzirki zamanyň ösen talaplaryna laýyklykda okamaga, öwrenmäge, döretmäge hem-de şeýle halkara bäsleşiklere gatnaşmaga ähli şertleri döredýän Gahryman Arkadagymyza, Arkadagly Gahryman Serdarymyza tüýs ýürekden alkyş aýdýarlar."Türkmenistan"15.10.2024ý. №266Çeşmesi: Turkmenmetbugat

Doly oka

193

14.10.2024

107

Aşgabatda «Merkezi Aziýa — Koreýa Respublikasy» atly parlamentara forumy geçirilýär

Şu gün Türkmenistanyň Mejlsinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 2022-nji ýylyň noýabr aýynda Koreýa Respublikasyna amala aşyran iş saparynyň dowamynda «Merkezi Aziýa — Koreýa Respublikasy» atly parlamentara forumy döretmek barada başlangyjy esasynda Merkezi Aziýa döwletleriniň we Koreýa Respublikasynyň parlament ýolbaşçylarynyň ikinji duşuşygy geçirilýär.

Doly oka

107

12.10.2024

289

Türkmenistanyň uniwersiteti Aziýa uniwersitetleriniň assosiýasiýasynyň resmi taýdan agzalygyna kabul edildi

2024-nji ýylyň 4-nji oktýabrynda Russiýa Federasiýasynyň Altaý ülkesiniň Belokuriha şäherinde geçirilen “ALTAÝ-AZIÝA 2024”: “Altaý – Aziýa 2024: Ýewraziýa bilim giňişligi – täze maksatlar we öňdebaryjy tejribeler” atly VI Halkara Bilim Forumynda Aziýa uniwersitetleriniň assosiýasiýasynyň VI gurultaýyna Myrat Garryýew adyndaky Türkmenistanyň Döwlet lukmançylyk uniwersitetiniň wekilleri gatnaşdylar. Bu dabaralaryň çäginde Myrat Garryýew adyndaky Türkmenistanyň Döwlet lukmançylyk uniwersiteti Aziýa uniwersitetleriniň assosiýasiýasynyň täze agzasy hökmünde resmi taýdan kabul edildi. Assosiýasiýanyň ýolbaşçylary Türkmenistanyň ýokary okuw mekdepleriniň hatarynda Myrat Garryýew adyndaky Türkmenistanyň Döwlet lukmançylyk uniwersitetiniň Assosiýasiýanyň agzalygyna giren ilkinji ýokary okuw mekdebi bolmagy bilen gutlap, Assosiýasiýanyň düzümine girendigi baradaky degişli Şahadatnamany Uniwersitetiň wekiliýetine dabaraly ýagdaýda gowşurdylar.

Doly oka

289

11.10.2024

68

Paýtagtymyzda halkara forum başlandy

Şu gün paýtagtymyzda hormatly Prezidentimiz Serdar Berdimuhamedowyň başlyklyk etmeginde «Döwürleriň we siwilizasiýalaryň özara arabaglanyşygy – parahatçylygyň we ösüşiň binýady» atly halkara forumy öz işine başlady.Söwda-senagat edarasynda geçirilen ýokary derejeli foruma gatnaşmak üçin ýurdumyza Ermenistan Respublikasynyň Prezidenti Waagn Haçaturýan, Eýran Yslam Respublikasynyň Prezidenti Masud Pezeşkian, Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Mongologiýanyň Prezidenti Uhnaagiýn Hurelsuh, Pakistan Yslam Respublikasynyň Prezidenti Asif Ali Zardari, Russiýa Federasiýasynyň Prezidenti Wladimir Putin, Täjigistan Respublikasynyň Prezidenti Emomali Rahmon hem-de Özbegistan Respublikasynyň Prezidenti Şawkat Mirziýoýew ýurdumyza geldiler.Myhmanlaryň hatarynda Türkiýe Respublikasynyň Beýik Millet Mejlisiniň Başlygy, Russiýa Federasiýasynyň Tatarystan Respublikasynyň Baştutany, ÝUNESKO-nyň Baş konferensiýasynyň Başlygy, Halkara guramalaryň ýolbaşçylary, daşary ýurtlaryň hökümet agzalary, tanymal alymlar, medeniýet işgärleri we diplomatlar bar.Bu forum beýik türkmen şahyry we filosofy Magtymguly Pyragynyň doglan gününi baýram etmegiň maksatnamasynyň çäklerinde geçirilýär. Bu maksatnama ýurdumyzda, şeýle hem daşary ýurtlarda guralan köpsanly dabaraly çäreler girizildi. Magtymguly Pyragynyň döredijilik mirasyny giňden wagyz etmek, Gündogar halklarynyň dilleriniň we edebiýatlarynyň özara baglanyşygyny, beýik şahyryň milli döwletliligi ösdürmekde eýeleýän ornuny hem-de umumyadamzat gymmatlyklarynyň genji-hazynasyna goşan goşandyny öwrenmek halkara maslahatyň esasy maksatlarydyr.

Doly oka

68

10.10.2024

140

В Баку состоялась презентации сборника стихотворений Махтумкули на туркменском и азербайджанском языках

7 октября 2024 года в Баку Посольством Туркменистана в Азербайджанской Республике совместно с Международным фондом культуры и наследия тюркских народов (г.Баку) была проведена официальная презентация сборника стихов Махтумкули Фраги «Ашык болмушам» на туркменском и азербайджанском языках.На презентации приняли участие руководители и представители дипломатических миссий иностранных государств, известные деятели культуры Азербайджана, поэты, писатели, ученые и студенты. Главными спикерами были Президент Международного фонда культуры и наследия тюркских народов, а также ученые Национальной академии Азербайджана.Выступающие на церемонии презентации подчеркнули важность издания, в которое вошли избранные произведения поэта-мудреца, ставшие общественной ценностью.Также в рамках официальной церемонии презентации была организована выставка поэтических сборников и книг Махтумкули Фраги, изданных на азербайджанском языке.

Doly oka

140

10.10.2024

192

Döwrebap terbiýäniň möhüm ugry

Türkmen halkynyň Milli Lideri Gahryman Arkadagymyz «Ömrümiň manysynyň dowamaty» atly kitabynda terbiýäniň on iki görnüşi barada durup geçmek bilen, şolaryň biriniň hem ekologiýa, tebigata söýgi terbiýesi bolup durýandygyny belleýär. Ýaşlarda ekologiýa medeniýetini terbiýelemek wajypdyr. Çünki her bir ýaş nesil tebigata öz öýi ýaly garap, serenjam berse, hormat goýsa, «ýaşyl» ykdysadyýete goşant bolar. Häzirki wagtda ýurdumyzyň orta we ýokary okuw mekdeplerinde bu babatda sapak geçilip, ekologiýa medeniýetini ösdürmekde uly işler alnyp barylýar.Ylmy-tehniki ösüşiň netijesinde, tebigaty goramak, onuň baýlyklaryndan rejeli peýdalanmak ýörelgesiniň talaplary hem yzygiderli artýar. Şol sebäpden-de, tebigaty goramak, ekologik medeniýeti berjaý etmek wezipelerini durmuşa geçirmekde ýaş nesliň uly orny bolup, bu ugurda bilim ulgamy aýratyn ähmiýete eýedir. Çünki bu ulgam ýaş nesilleri terbiýelemekde, watansöýüji, ahlak taýdan arassa, maşgala gymmatlyklaryna hormat goýýan, bilimli, ylymly şahsyýetleri kemala getirmekde esasy güýç bolup durýar.Milli Liderimiz «Türkmeniň döwletlilik ýörelgesi» atly kitabynda: «Häzirki zamanyň ekologiýa ylmyny baýlaşdyrýan çeşmeler halk paýhasynda hem ykrar edilendir. Ösümlik we haýwanat dünýäsi baradaky hekaýatlardyr rowaýatlar durmuşyň inçelik bilen akyl ýetirilen göwherleridir. Şonuň üçin milli terbiýeçilik ulgamymyzda tebigaty söýmegiň, ýere, suwa aýawly çemeleşmegiň ähmiýeti uludyr» diýip belleýär. Dogrudan-da, halk döredijiligimizde-de, edebi mirasymyzda-da tebigata bolan söýgi, türkmen tebigatynyň ajaýyplyklary beýan edilýär. Türkmen halkynyň akyldar şahyry Magtymguly Pyragynyň döredijiliginde türkmen tebigatynyň täsinlikleri, dag-derelerimiziň, bulaklarymyzyň, çeşme-çaýlarymyzyň, derýalarymyzyň gözellikleri milli terbiýe bilen utgaşdyrylyp, inçelik bilen suratlandyrylýar. Şahyr «Gürgeniň» atly goşgusynda:Öňünde belent dag, serinde duman,Deňizden öwüser ýeli Gürgeniň. —diýip, türkmen topragynyň täsin tebigatyny suratlandyrsa,Tokaýlary bardyr gargy-gamyşly,Gözelleri bardyr altyn kümüşli. —diýip, türkmen gözelleriniň keşbi bilen birlikde, tebigatymyzyň gyrymsy tokaýlyklaryny beýan edýär.Ýurdumyzyň ekologiýa abadançylygyny üpjün etmäge gönükdirilen köpçülikleýin bag nahallaryny ekmek çäresi hem ekologiýa medeniýetini kemala getirmegiň ähmiýetli ýoludyr. Munuň özi milli ýörelgelerimiziň döwrebap derejede ösdürilýändigini görkezýär. Halkymyz ösdürilip ýetişdirilýän bag nahallaryna guwanyp, ony eken adamlary ýagşylykda ýatlaýar. Özüniň şöhratly taryhyna buýsanýan halkymyzyň owal-ahyr aňyna-ganyna siňen mukaddes ýörelgesi bolan ýoldur köpri guran, bag ekip ýetişdiren ýa-da jemagatyň haýyrlanýan haýsydyr bir desgasyny bina eden adamlary hemişe ýagşylykda ýatlaýar, olaryň atlary nesilleriň hakydasynda ebedilik orun alýar. Şeýle sogaply iş hakynda Türkmenistanyň halk ýazyjysy Berdinazar Hudaýnazarowyň döredijiligini bezeýän şu ajaýyp setirler çuň many-mazmuna eýe:Bu tylla topraga nahal oturdyň!Ýer-ýurt juwanlansyn, saýa goýalsyn.Daňyň nury çaýylanda jahana,Bizi mydam saýrak guşlar oýarsyn.Ýaşlaryň Watanymyzyň tebigaty, ösümlik we haýwanat dünýäsi barada ýeterlik düşünjeli bolmagy ugrunda alada etmegimiz her birimiz üçin wajypdyr. Ekologiýa bilimi we terbiýe bilen baglanyşykly meselede juda jogapkärçilikli bolmalydyrys. Ýurdumyzyň ösümlik hem haýwanat dünýäsini gorap saklamak endiklerini ýaş nesilleriň aňynda döretmek, ösdürmek, olara miras goýmak üçin ata-babalarymyz uly alada edipdirler.Nesilleriň ekologiýa medeniýetiniň mizemezligi, ynsanperwer garaýyşlaryň durnuklylygy pederlerimiziň paýhas eleginden geçen atalar sözlerinde, nakyllarynda giňden orun alypdyr. Pederlerimiz «Gülüni iýen müň gün iýer, köküni iýen bir gün iýer» diýen ýaly jümleleriň üsti bilen tebigata hoşniýetli garamalydygyny ündäpdir.Häzirki wagtda ekologiýa biliminiň ýurdumyzyň okuw mekdepleriniň möhüm ugurlarynyň hatarynda durýandygyny bellemelidiris. Daşky gurşawy aýawly saklamak, tebigaty goramak, ýaşlaryň arasynda ene topragyň ezizligini, mukaddesligini giňden wagyz etmek maksady bilen, ýurdumyzda eko-festiwallar, wagyz-nesihat çäreleri, bag ekmek dabaralary yzygiderli geçirilýär. Şeýle çäreleriň hatarynda daşky gurşawy arassa saklamak, tebigaty goramak mowzuklarynda birnäçe suratlardyr wideo şekillerini internetiň üsti bilen giň köpçülige ýetirmek maksadalaýykdyr. Döwrüň täze garaýyşlar, innowasion tehnologiýalar arkaly çalt depginde ösýän zamanasynda ýurdumyzda hem sanly ulgama ussatlyk bilen erk edip bilýän ýaşlaryň hatary barha artýar. Olaryň ekologiýa syýasatyny durmuşa geçirmekde sanly ulgama erk etmek endikleriniň ähmiýeti juda uludyr. Sanly ulgam arkaly tebigata gözegçilik etmek, tokaýlaryň koordinatlaryny bellemek, olary GPS ulgamyna birikdirmek işleri döwrebap tehnikalar we kompýuterler arkaly emeli hemralaryň üsti bilen amala aşyrylýar. Şeýle ýagdaýda tebigat üçin islendik wagtda gözleýän maglumatlarymyzy tapyp bilýäris.Sanly ulgam arkaly tebigatyň dürli künjeklerine gözegçiligi amala aşyrmak işi täze tehnologiýalar we innowasion enjamlar bilen bir hatarda, häzirki zaman bilimi bolan hünärmenleri hem talap edýär. Häzirki wagtda bu babatda S.A.Nyýazow adyndaky Türkmen oba hojalyk uniwersitetinde tokaýçy hünärmenler taýýarlanylýar. Döwrebap tehnologiýalaryň önümçilige ornaşdyrylmagy ýurdumyzda ekologiýa abadançylygyny üpjün etmek boýunça alnyp barylýan işleriň möçber we hil taýdan ilerlemegine giň mümkinçilikleri döredýär.Gülzar AŞYROWA,Türkmenistanyň Döwlet, hukuk wedemokratiýa institutynyň ylmy işgäri.

Doly oka

192

09.10.2024

251

Aşgabatda GDA gatnaşyjy döwletleriň maslahat beriş geňeşiniň mejlisi geçiriler

17–18-nji oktýabrda Aşgabat şäheriniň «Ýyldyz» myhmanhanasynda Garaşsyz Döwletleriň Arkalaşygyna gatnaşyjy döwletleriň Zähmet, iş üpjünçilik we ilaty durmuş taýdan goramak boýunça maslahat beriş geňeşiniň nobatdaky 37-nji mejlisi geçiriler.Türkmenistan 1992-nji ýyldan bäri GDA gatnaşyjy döwletleriň Zähmet, migrasiýa we ilaty durmuş taýdan goramak boýunça maslahat beriş geňeşiniň agzasy bolup durýar.Aşgabatda geçiriljek mejlisiň dowamynda Arkalaşyga agza döwletleriň zähmet, iş bilen üpjünçilik we ilaty durmuş taýdan goramak ulgamlarynda hyzmatdaşlygy giňeltmek, GDA-nyň ykdysady ulgamda hereket edýän pudaklaýyn hyzmatdaşlyk edaralary bilen gatnaşyklary has-da işjeňleşdirmek boýunça gepleşikler geçiriler we degişli resminamalara gol çekiler.

Doly oka

251

08.10.2024

224

Золото и серебро привезли с олимпиады в Сочи туркменские студенты

Золото и серебро привезли домой четверо студентов из Туркменистана с IV Международной олимпиады по финансовой безопасности, финал которой проходил в Сочи (РФ), на федеральной территории «Сириус».Как сообщает «Туркменистан: Золотой век», заслуженное звание победителя и почетное I место в номинации «Экономика» завоевала Дженнет Бердыева, студентка 3 курса Туркменского государственного института экономики и управления. В этой же номинации хороший результат показала и заняла II место Айсенем Нурыева, студентка 4 курса Туркменского государственного института финансов.II место в номинации «Информационная безопасность» получил Нурмухаммет Таджимырадов, студент 3 курса Туркменского государственного университета имени Махтумкули.В номинации «Международные отношения» II место присуждено Арслану Шаимову, студенту 3 курса Туркменского государственного института экономики и управления.Национальная команда Туркменистан состояла из 9 студентов вышеназванных вузов и Международного университета гуманитарных наук и развития.Всего же в финале олимпиады соревновались 600 участников из разных стран мира, которые успешно прошли предварительные отборочные испытания.За пять дней пребывания в «Сириусе» участники посетили лекции, интерактивные мастерские, мастер-классы, панельные дискуссии, викторины, конкурсы. Также они побывали на фестивале русских народных игр, участвовали в открытии выставки «Культура и традиции народов Сибири» и в спортивных состязаниях.Финальный этап олимпиады завершился торжественной церемонией награждения победителей с участием почетных гостей, отмечает источник.

Doly oka

224

Täzelikler we habarlar