2025-2026-njy okuw ýylynyň ikinji ýarymýyllygynyň ilkinji okuw sapagy
“Garaşsyz,
Baky bitarap Türkmenistan – Bedew batly At – myradyň mekany”
diýilip yglan edilen
2026-njy ýylda ösüp
gelýän ýaş nesli Watanyna
çäksiz buýsanç, söýgi
we hormat goýmak
ruhunda terbiýelemek, babatda 2025-2026-njy okuw
ýylynyň ikinji ýarymýyllygy
guramaçylykly başlandy. Berkarar
döwletiň täze eýýamynyň
Galkynyşy döwründe Hormatly Gahryman Prezidentimiziň bilim we saglygy goraýyş
ulgamlaryny özgertmek we
ösdürmek ugrunda alyp
barýan döwlet syýasatyny
wagyz-nesihat etmek maksady
bilen, I.Gandi adyndaky
Aşgabat lukmançylyk orta
okuw mekdebiniň mugallymlary
we talyp ýaşlary “Garaşsyz, Baky bitarap
Türkmenistan – Bedew batly At –
myradyň mekany” ady bilen,
ikinji ýarymýyllygynyň ilkinji
okuw sapagyny geçdiler.
Bu syýasy
ähmiýetli sapagynyň
dowamynda Gahryman Arkadagymyzyň
howandarlygynda we Arkadagly Gahryman
Serdarymyzyň baştutanlygynda döwletimizde milli
bilim ulgamyny ösdürmek, döwrebaplaşdyrmak babatda
edilýän ähli tagallalary
barada aýratyn bellenildi. Gahryman Arkadagymyzyň
we Arkadagly Gahryman
Serdarymyzyň paýhasyndan kemal
tapan ylmy-ensiklopedik eserleri,
filosofik kitaplary, syýasy ýörelgeleri içgin
beýan edildi, pedagogik
we terbiýçilik ugrunda milli
mirasymyzyň tükeniksiz hazynasy
bolýandyklary barada uly
buýsanç bilen beýan edildi.
Ýaşlary
edep- ekramly, ruhy taýdan
taplanan bolup ýetişmekleri,
bilim almaklary, geljeki hünärine
höwesli, Watanyna we
Prezidentine, Gahryman
Arkadagymyza wepaly bolmaklary,
ýurdumyzyň bähbidi üçin tutanýerli
zähmet çekip, abraýyny
belentliklere ýetirmek ugrunda alnyp barylmaly
işlerde mugallymlaryň örän möhüm ornunyň bardygy
barada aýdyldy.
Gahryman
Prezidentimize we Gahryman
Arkadagymyza çäksiz sagbolsunlar
aýdyldy, olara berk
jan saglyk, uzak
ömür, tükeniksiz bagtyýarlyk
we işlerinde rowaçlyk
arzuw edildi.
